دکتر شهریار پیرانی

1-لەبەرچاوگرتنی هەمەجۆریی ، هاوسەنگی و فرەچەشنی لە خۆراکدا.
2-تا دەکرێ خۆراکی کەم چەوری و کەم خوێ و کەم شیرینی بەکاربێنن.
3-هەڵبژاردنی خۆراک بە بڕی زۆری سەوزە و میوە و دانەوێڵە.
4- بەکارنەهێنان یا کەم بەکارهێنانی خواردنەوەی گازدار ،شەربەت ، سۆسی مایۆنز ، رۆنە کەرە ، خامە . چیپس ،پوفەک ، چەرەجاتی سوێر ، خۆراکی قوتووکراو ، کاڵباس ، سوسیس ، هەمبەرگەری ئامادە( فەست فوود ) مایۆنز ، نانی تیری و سپی ، چای و قاوە زیاتر لە رادە ، نوقڵ ، چکلیت ، کێک ، شیرینی جات و ....

5-نانی بەیانی بە تەواوی و لەکاتی خۆیدا بخۆن .
6-هەمیشە لە ئارامیدا و بە ئاسوودەیی نان بخۆن .
7-بە دروستی دانیشن ، بە دروستی بجوون ،لە پێش تەلەفزیۆن ، کۆمپیوتەر ، یان لە کاتی خوێندنەوەدا نان مەخۆن .
8-لە کاتی نان خواردندا هیچ شتێک مەخۆنەوە .
9-وردە خۆراک مەخۆن . چ لە متبەخ و لەکاتی ئامادەکردنی خۆراک ، یان لەسەر ساردکەرەوە و چ پاشماوەی خۆراکی ئەم و ئەو .
10-کاتێک ژەمێک لە چێشتخانە دەخۆن ، بە هیچ جۆر بەر لە هێنانی خۆراک شتێکی دیکە مەخۆن و مەخۆنەوە .

11-لە رۆژدا 8 تا10 پەرداخ ئاو لە مابەینی ژەمەکان یان هەر نیو کاتژمێر 1 تا 2 قوم ئاو بخۆنەوە .
12-لە دەفری بچووک و بە چەنگاڵ وبە دوور لە مێز نان بخۆن .
13-هەوڵ مەدەن بە پەلە و بە گوشار کێش کەم بکەن ، مانگانە 4 کیلۆ باشە .
14-لە کاتی برسیەتی دا کاهوو ، کەرەوز ، گێزەر و کەدووی کاڵ بخۆن یان بنێشتی بێ قەند بجوون .
15-پێویستیتان بە سێ ژەمی سەرەکی و سێ نێوان ژەم لە رۆژدا هەیە . هیچ ژەمێک لە بیر مەکەن . ئەگەر ژەمێک نەخۆن برسی تر دەبن و پەنا بۆ خواردنی شتی دیکە دەبن .

16-بۆ لاوازبوون جیا لە ویست و ئیرادە و هیواداری ، دەبێ عادەتی خراپیش تەرک بکەن . وەک : جگەرە کێشان ، شەونخوونی دوور و درێژ ، خواردنەوەی قاوە و چایی زۆر ، لە شوێنێک دانیشتن بۆ ماوەیەکی زۆر ، شەڕ و هەرا ، دڵەڕاوکە و خەمۆکی کە تێکڕا دەبن بە هۆی قەڵەوی . بە گیانێکی تەندروست و گەشبینی بە داهاتوو بەرە بەرە لاواز بن .
17-بۆ بەکارهێنانی ڤیتامینەکان و تەواوکەرە رژیمی و وەرزشیەکانی دیکە پرس بە پسپۆڕ و پزیشکی تایبەتی خواردن بکەن و سەربەخۆ بەکاریان مەهێنن .